Դեսպան Վ. Բիյագովը ելույթ ունեցավ Քրիստոնեական միություն կուսակցության 50-րդ կոնգրեսին

16 մարտի, 2024

Մարտի 16-ին Քրիստոնեական միություն կուսակցության հրավերով Նիդերլանդներում ՀՀ դեսպան Վիկտոր Բիյագովը մասնակցեց կուսակցության 50-րդ կոնգրեսին:

Կոնգրեսի շրջանակներում դեսպան Բիյագովը հանդես եկավ ելույթով՝ շնորհակալություն հայտնելով կուսակցության աջակցության, մասնավորապես Հայոց ցեղասպանության ճանաչման կարևորության մասին դիրքորոշման, Հայաստանի և Լեռնային Ղարաբաղի դեմ Ադրբեջանի ագրեսիայի աներկբա դատապարտման և վերջիններիս վերաբերյալ Խորհրդարանում մշտապես բարձրաձայնման համար:

Դեսպանն իր ելույթում անդրադարձավ տարածաշրջանային զարգացումներին, ներկայացրեց Լեռնային Ղարաբաղի էթնիկ զտման և այնտեղ ապրող հայերի բռնի տեղահանման հետևանքները, Լեռնային Ղարաբաղում հայկական մշակութային ժառանգությանը և հատկապես՝ քրիստոնեական կոթողներին սպառնացող վտանգը:

Ընդգծվեց Հայաստանի հավատարմությունը խաղաղության օրակարգին և այդ համատեքստում ներկայացվեց Հայաստանի առաջարկած «Խաղաղության խաչմերուկ» նախագիծը՝ միտված տարածաշրջանային հաղորդակցման ուղիների ապաշրջափակմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր